April 27, 2018

Nan Tlangval Nih Kan Daw Zungzal Seh Ti Na Duh Ah Cun Tuah Awk A Hreh Mi Phun 5

Innchungkhar pakhat ah ah nu le va cu a daw zungzal ding asi ko, nupi dawt cu pa i rian pakhat asi, nu zong nih a pasal caah tuah awk asi mi a um ve ko, hi thil hna hi na tuah khawh cun na pasal nih zei dang hman a ruat lai lo nang mah lawng bak an dawt ko lai.

1. Tawl thaw tein chumh khawh hi nupi tha hna nih tuah ding pakhatnak rian bak asi, hmun dang kal hau loin na chumh mi ah diriam tein a um ko lai.

2. Thianghlim tein um khawh i zuam ko, cheukhat nu pawl cu pasal an ngeih bak cun thianhhlim bak an zuam ti hna lo caah an pasal nih an fih tawn hna caah a tha lo ngai, pasal nan ngeih zong ah na pasal mithmuh ah zoh dawh ding tein um hi a bia pi tuk.

3. Na pasal nu le pa cu na nu le pa bantukin ruat ko hna, kha tiin nu le pa bantuk ah na ruah ah cun na pasal zong nih na nu le pa cu a ruah ve ko lai, cu piin cun a dang a hreh ti lo chungkhar ah nuam tein khua nan sa kho lai.

4. Aw ka nem tein chawnh khawh i zuam peng ding a si. Pasal nan ngei bak i aan ka nem in nan i chawnh lo ah cun chungkhar van cu nan ser kho lai lo, aan ka nem nih nan chungkhar nuam tein an ser hna lai.

5. Kan dawt ti chim hi philh tawn hlah, nungak tlangval si lio vial ah cun kan dawt tuk ti leng mang tung i umh hnu vial kan dawt tuk ti ve bel lo cu fak tak tak in na palh bak asi ko cang.

Ref. Auntymay

  Vakok Daily News

Ads

Loading...

Automatic




Be the first to comment

Leave a Reply

Your email address will not be published.


*